Zindagi tere liye zahr piya hai maine:Khalilur Rahman Azmi

na jaane kis kī hameñ umr bhar talāsh rahī

jise qarīb se dekhā vo dūsrā niklā

na jaane kis ki hamein umr bhar talash rahi

jise qarib se dekha wo dusra nikla

sunā rahā huuñ unheñ jhūT-mūT ik qissa

ki ek shaḳhs mohabbat meñ kāmyāb rahā

suna raha hun unhen jhuT-muT ek qissa

ki ek shaKHs mohabbat mein kaamyab raha

dekhne vaalā koī mile to dil ke daaġh dikhā.ūñ

ye nagrī andhoñ kī nagrī kis ko kyā samjhā.ūñ

dekhne wala koi mile to dil ke dagh dikhaun

ye nagri andhon ki nagri kis ko kya samjhaun

hazār tarah kī mai pī hazār tarah ke zahr

na pyaas hī bujhī apnī na hausla niklā

hazar tarah ki mai pi hazar tarah ke zahr

na pyas hi bujhi apni na hausla nikla

yuuñ jī bahal gayā hai tirī yaad se magar

terā ḳhayāl tere barābar na ho sakā

yun ji bahal gaya hai teri yaad se magar

tera KHayal tere barabar na ho saka

ye tamannā nahīñ ab dād-e-hunar de koī

aa ke mujh ko mire hone kī ḳhabar de koī

ye tamanna nahin ab dad-e-hunar de koi

aa ke mujh ko mere hone ki KHabar de koi

tum mujhe chāho na chāho lekin itnā to karo

jhuuT hī kah do ki jiine kā bahāna mil sake

tum mujhe chaho na chaho lekin itna to karo

jhuT hi kah do ki jine ka bahana mil sake

aariz pe tere merī mohabbat kī surḳhiyāñ

merī jabīñ pe terī vafā kā ġhurūr hai

aariz pe tere meri mohabbat ki surKHiyan

meri jabin pe teri wafa ka ghurur hai

hañgāma-e-hayāt se jāñ-bar na ho sakā

ye dil ajiib dil hai ki patthar na ho sakā

hangama-e-hayat se jaan-bar na ho saka

ye dil ajib dil hai ki patthar na ho saka

hameñ to raas na aa.ī kisī kī mahfil bhī

koī ḳhudā koī ham-sāya-e-ḳhudā niklā

hamein to ras na aai kisi ki mahfil bhi

koi KHuda koi ham-saya-e-KHuda nikla

tamām yādeñ mahak rahī haiñ har ek ġhuncha khilā huā hai

zamāna biitā magar gumāñ hai ki aaj hī vo judā huā hai

tamam yaaden mahak rahi hain har ek ghuncha khila hua hai

zamana bita magar guman hai ki aaj hi wo juda hua hai

azal se thā vo hamāre vajūd kā hissa

vo ek shaḳhs ki jo ham pe mehrbān huā

azal se tha wo hamare wajud ka hissa

wo ek shaKHs ki jo hum pe mehrban hua

ye aur baat ki tark-e-vafā pe maa.il haiñ

tirī vafā kī hameñ aaj bhī zarūrat hai

ye aur baat ki tark-e-wafa pe mail hain

teri wafa ki hamein aaj bhi zarurat hai

maiñ apne ghar ko bulandī pe chaḌh ke kyā dekhūñ

urūj-e-fan mirī dahlīz par utaar mujhe

main apne ghar ko bulandi pe chaDh ke kya dekhun

uruj-e-fan meri dahliz par utar mujhe

hamāre ba.ad us marg-e-javāñ ko kaun samjhegā

irāda hai ki apnā marsiya bhī aap hī likh leñ

hamare baad us marg-e-jawan ko kaun samjhega

irada hai ki apna marsiya bhi aap hi likh len

ham pe jo guzrī hai bas us ko raqam karte haiñ

āp-bītī kaho yā marsiya-ḳhvānī kah lo

hum pe jo guzri hai bas us ko raqam karte hain

aap-biti kaho ya marsiya-KHwani kah lo

aaj Duubā huā ḳhushbū meñ hai pairāhan-e-jāñ

ai sabā kis ne ye pūchhā hai tirā nām-o-nishāñ

aaj Duba hua KHushbu mein hai pairahan-e-jaan

ai saba kis ne ye puchha hai tera nam-o-nishan

terī galī se chhuT ke na jā-e-amāñ milī

ab ke to merā ghar bhī mirā ghar na ho sakā

teri gali se chhuT ke na ja-e-aman mili

ab ke to mera ghar bhi mera ghar na ho saka

zindagī bhī mire nāloñ kī shanāsā niklī

dil jo TuuTā to mire ghar meñ koī sham.a jalī

zindagi bhi mere nalon ki shanasa nikli

dil jo TuTa to mere ghar mein koi shama jali

zarā aa ke sāmne baiTh jā mirī chashm-e-tar ke qarīb aa

mire aa.ine meñ bhī dekh le kabhī apnī zulf kī barhamī

zara aa ke samne baiTh ja meri chashm-e-tar ke qarib aa

mere aaine mein bhi dekh le kabhi apni zulf ki barhami