Today's top 5 Urdu Shayari

uThe haiñ haath to apne karam kī laaj bachā

vagarna merī duā kyā mirī talab kyā hai

uThe hain hath to apne karam ki laj bacha

wagarna meri dua kya meri talab kya hai

unheñ apne dil kī ḳhabreñ mire dil se mil rahī haiñ

maiñ jo un se ruuTh jā.ūñ to payām tak na pahuñche

unhen apne dil ki KHabren mere dil se mil rahi hain

main jo un se ruTh jaun to payam tak na pahunche

ye intizār nahīñ sham.a hai rifāqat kī

is intizār se tanhā.ī ḳhūb-sūrat hai

ye intizar nahin shama hai rifaqat ki

is intizar se tanhai KHub-surat hai

zindagī kyā hue vo apne zamāne vaale

yaad aate haiñ bahut dil ko dukhāne vaale

zindagi kya hue wo apne zamane wale

yaad aate hain bahut dil ko dukhane wale

ye kyā tilism hai kyuuñ raat bhar sisaktā huuñ

vo kaun hai jo diyoñ meñ jalā rahā hai mujhe

ye kya tilism hai kyun raat bhar sisakta hun

wo kaun hai jo diyon mein jala raha hai mujhe