Today's top 5 Urdu Shayari

vo zahr detā to sab kī nigah meñ aa jaatā

so ye kiyā ki mujhe vaqt pe davā.eñ na diiñ

wo zahr deta to sab ki nigah mein aa jata

so ye kiya ki mujhe waqt pe dawaen na din

zindagī kyā hai aaj ise ai dost

soch leñ aur udaas ho jaa.eñ

zindagi kya hai aaj ise ai dost

soch len aur udas ho jaen

zarā ruuTh jaane pe itnī ḳhushāmad

'qamar' tum bigāḌoge aadat kisī kī

zara ruTh jaane pe itni KHushamad

'qamar' tum bigaDoge aadat kisi ki

ye kyā tilism hai kyuuñ raat bhar sisaktā huuñ

vo kaun hai jo diyoñ meñ jalā rahā hai mujhe

ye kya tilism hai kyun raat bhar sisakta hun

wo kaun hai jo diyon mein jala raha hai mujhe

zindagī kyā hue vo apne zamāne vaale

yaad aate haiñ bahut dil ko dukhāne vaale

zindagi kya hue wo apne zamane wale

yaad aate hain bahut dil ko dukhane wale