Today's top 5 Urdu Shayari

ham aap qayāmat se guzar kyuuñ nahīñ jaate

jiine kī shikāyat hai to mar kyuuñ nahīñ jaate

hum aap qayamat se guzar kyun nahin jate

jine ki shikayat hai to mar kyun nahin jate

ham ne hañs hañs ke tirī bazm meñ ai paikar-e-nāz

kitnī aahoñ ko chhupāyā hai tujhe kyā ma.alūm

hum ne hans hans ke teri bazm mein ai paikar-e-naz

kitni aahon ko chhupaya hai tujhe kya malum

gilā bhī tujh se bahut hai magar mohabbat bhī

vo baat apnī jagah hai ye baat apnī jagah

gila bhi tujh se bahut hai magar mohabbat bhi

wo baat apni jagah hai ye baat apni jagah

ek aañsū ne Duboyā mujh ko un kī bazm meñ

buuñd bhar paanī se saarī aabrū paanī huī

ek aansu ne Duboya mujh ko un ki bazm mein

bund bhar pani se sari aabru pani hui

saañs ruktī hai chhalakte hue paimāne meñ

koī letā thā tirā nām-e-vafā āḳhir-e-shab

sans rukti hai chhalakte hue paimane mein

koi leta tha tera nam-e-wafa aaKHir-e-shab