عیش میرٹھی کی شاعری

کروں کس کا گلہ کہتے ہوئے بھی شرم آتی ہے

رقیب افسوس اپنے ہی پرانے آشنا نکلے

یہ بھی کوئی زندگی میں زندگی ہے ہم نفس

دل کہیں ہے ہم کہیں ہیں اور جانانہ کہیں

اٹھانے والے ہمیں بزم سے ذرا یہ دیکھ

کہ ٹوٹتا ہے غریبوں کا آسرا کیسے

بڑھتی رہی نگاہ بہکتے رہے قدم

گزرا ہے اس طرح بھی زمانہ شباب کا

نہ ملنے پر بھی اسے عیشؔ پیار کرتا ہوں

یوں اونچا کر دیا معیار زندگی میں نے

میری جنت تری نگاہ کرم

مجھ سے پھر جائے یہ خدا نہ کرے

آنکھوں کو تمنا ہے خاک در جاناں کی

خاک در ہر کوچہ اکسیر نہیں ہوتی

سائل آیا ہے ترے در پہ خودی کو کھو کر

دیکھنا ہے مجھے کیا آج عطا ہوتا ہے

عیش میرٹھی