Shayari of Aish Meeruthi

karūñ kis kā gila kahte hue bhī sharm aatī hai

raqīb afsos apne hī purāne āshnā nikle

karun kis ka gila kahte hue bhi sharm aati hai

raqib afsos apne hi purane aashna nikle

Tag : Raqeeb

ye bhī koī zindagī meñ zindagī hai ham-nafas

dil kahīñ hai ham kahīñ haiñ aur jānāna kahīñ

ye bhi koi zindagi mein zindagi hai ham-nafas

dil kahin hai hum kahin hain aur jaanana kahin

uThāne vaale hameñ bazm se zarā ye dekh

ki TūTtā hai ġharīboñ kā aasrā kaise

uThane wale hamein bazm se zara ye dekh

ki TuTta hai gharibon ka aasra kaise

Tag : Bebasi

merī jannat tirī nigāh-e-karam

mujh se phir jaa.e ye ḳhudā na kare

meri jannat teri nigah-e-karam

mujh se phir jae ye KHuda na kare

Tags : Jannat
and 1 more
- Khuda

na milne par bhī use 'aish' pyaar kartā huuñ

yuuñ ūñchā kar diyā me.ār-e-zindagī maiñ ne

na milne par bhi use 'aish' pyar karta hun

yun uncha kar diya mear-e-zindagi main ne

Tag : Ishq

baḌhtī rahī nigāh bahakte rahe qadam

guzrā hai is tarah bhī zamāna shabāb kā

baDhti rahi nigah bahakte rahe qadam

guzra hai is tarah bhi zamana shabab ka

Tags : Jawani
and 1 more
- Shokhi

saa.il aayā hai tire dar pe ḳhudī ko kho kar

dekhnā hai mujhe kyā aaj 'atā hotā hai

sail aaya hai tere dar pe KHudi ko kho kar

dekhna hai mujhe kya aaj 'ata hota hai

āñkhoñ ko tamanna hai ḳhāk-e-dar-e-jānāñ kī

ḳhāk-e-dar-e-har-kūcha iksīr nahīñ hotī

aankhon ko tamanna hai KHak-e-dar-e-jaanan ki

KHak-e-dar-e-har-kucha iksir nahin hoti

Aish Meeruthi

ALL

Profile

E-book3

Sher8

Ghazal9

E-book3

Sher of Aish Meeruthi

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books