میں نے آنکھوں میں جلا رکھا ہے آزادی کا تیل

مت اندھیروں سے ڈرا رکھ کہ میں جو ہوں سو ہوں

نام تیرا بھی رہے گا نہ ستم گر باقی

جب ہے فرعون نہ چنگیز کا لشکر باقی

بڑا آزار جاں ہے وہ اگرچہ مہرباں ہے وہ

اگرچہ مہرباں ہے وہ بڑا آزار جاں ہے وہ

تم کو بھی پہچان نہیں ہے شاید میری الجھن کی

لیکن ہم ملتے رہتے تو اچھا ہی رہتا جانم

کبھی درویش کے تکیہ میں بھی آ کر دیکھو

تنگ دستی میں بھی آرام میسر نکلا

تری محفل میں سب بیٹھے ہیں آ کر

ہمارا بیٹھنا دشوار کیوں ہے

ہجر کے چھوٹے گاؤں سے ہم نے شہر وصل کو ہجرت کی

شہر وصل نے نیند اڑا کر خوابوں کو پامال کیا

لاش قاتل نے کھلی پھینک دی چوراہے پر

دیکھنے والا کوئی گھر سے نہ باہر نکلا

ہر ایک شخص تمہاری طرح نہیں ہوتا

کوئی کسی سے محبت کہاں کرے کیسے

بنا کر رکھ تو گھر اچھا رہے گا

تو مالک بن کرایہ دار کیوں ہے

تم درد کی لذت کیا جانو کب تم نے چکھے ہیں زہر سبو

ہم اپنے وجود کے شاہد ہیں سنگسار ہوئے شمشیر ہوئے

جو پرندے اڑ نہیں سکتے اب ان کی خیر ہو

آنے والا ہے اسی جانب شکاری ہائے ہائے

ایک غم ہوتا تو سینے سے لگا لیتا کوئی

غم کا انبار اٹھانے پہ نہ پہنچا آخر

ہجر میں ویسے بھی آتی ہے مصیبت جان پر

پر رقیبوں کی الگ ہے خندہ کاری ہائے ہائے

توتلی عمر میں جو بچہ ذرا مشفق تھا

کچھ بڑا ہو کے دہانے پہ نہ پہنچا آخر

تری آنکھوں نے دھویا ہے مجھے یوں

میں بالکل صاف ستھرا ہو گیا ہوں