kuchh din se zindagī mujhe pahchāntī nahīñ

yuuñ dekhtī hai jaise mujhe jāntī nahīñ

kuchh din se zindagi mujhe pahchanti nahin

yun dekhti hai jaise mujhe jaanti nahin

maañ mujhe dekh ke nārāz na ho jaa.e kahīñ

sar pe āñchal nahīñ hotā hai to Dar hotā hai

man mujhe dekh ke naraaz na ho jae kahin

sar pe aanchal nahin hota hai to Dar hota hai

milnā thā ittifāq bichhaḌnā nasīb thā

vo utnī duur ho gayā jitnā qarīb thā

milna tha ittifaq bichhaDna nasib tha

wo utni dur ho gaya jitna qarib tha

tum ko bhulā rahī thī ki tum yaad aa ga.e

maiñ zahr khā rahī thī ki tum yaad ga.e

tum ko bhula rahi thi ki tum yaad aa gae

main zahr kha rahi thi ki tum yaad gae

kal shaam chhat pe mīr-taqī-'mīr' kī ġhazal

maiñ gungunā rahī thī ki tum yaad aa ga.e

kal sham chhat pe mir-taqi-'mir' ki ghazal

main gunguna rahi thi ki tum yaad aa gae

tujh ko duniyā ke saath chalnā hai

tū mire saath chal na pā.egā

tujh ko duniya ke sath chalna hai

tu mere sath chal na paega

'anjum' tumhārā shahr jidhar hai usī taraf

ik rail jā rahī thī ki tum yaad aa ga.e

'anjum' tumhaara shahr jidhar hai usi taraf

ek rail ja rahi thi ki tum yaad aa gae

sach baat maan lījiye chehre pe dhuul hai

ilzām ā.inoñ pe lagānā fuzūl hai

sach baat man lijiye chehre pe dhul hai

ilzam aainon pe lagana fuzul hai

dafnā diyā gayā mujhe chāñdī kī qabr meñ

maiñ jis ko chāhtī thī vo laḌkā ġharīb thā

dafna diya gaya mujhe chandi ki qabr mein

main jis ko chahti thi wo laDka gharib tha