تیری خوشبو سے معطر ہے زمانہ سارا

کیسے ممکن ہے وہ خوشبو بھی گلابوں میں ملے

دنیا کی اک ریت پرانی، ملنا اور بچھڑنا ہے

ایک زمانہ بیت گیا ہے تم کب ملنے آؤ گے

آستھا کا رنگ آ جائے اگر ماحول میں

ایک راکھی زندگی کا رخ بدل سکتی ہے آج

کسی کی بات کوئی بد گماں نہ سمجھے گا

زمیں کا درد کبھی آسماں نہ سمجھے گا

سنکٹ کے دن تھے تو سائے بھی مجھ سے کتراتے تھے

سکھ کے دن آئے تو دیکھو دنیا میرے ساتھ ہوئی

ہر طرف اک جنگ کا ماحول ہے اعظمؔ یہاں

آدمی اب گھر کے بھی اندر سلامت ہے کہاں

گیسو و رخسار کی باتیں کریں

آؤ مل کر پیار کی باتیں کریں

ان کے رخصت کا وہ لمحہ مجھے یوں لگتا ہے

وقت ناراض ہوا دن بھی ڈھلا ہو جیسے

موسم سوکھا سوکھا سا تھا لیکن یہ کیا بات ہوئی

کیول اس کے کمرے میں ہی رات گئے برسات ہوئی

جو مزے آج ترے غم کے عذابوں میں ملے

ایسی لذت کہاں ساقی کی شرابوں میں ملے