gurez-pā hai nayā rāsta kidhar jaa.eñ

chalo ki lauT ke ham apne apne ghar jaa.eñ

gurez-pa hai naya rasta kidhar jaen

chalo ki lauT ke hum apne apne ghar jaen

maut bar-haq hai ek din lekin

niiñd rātoñ ko ḳhuub aatī hai

maut bar-haq hai ek din lekin

nind raaton ko KHub aati hai

jo maañg rahe ho vo mire bas meñ nahīñ hai

darḳhvāst tumhārī hai zarūrat se ziyāda

jo mang rahe ho wo mere bas mein nahin hai

darKHwast tumhaari hai zarurat se ziyaada

ghar ke sab darvāze kyuuñ dīvār hue haiñ

ghar se bāhar duniyā saarī chīḳh rahī hai

ghar ke sab darwaze kyun diwar hue hain

ghar se bahar duniya sari chiKH rahi hai

tanhā.ī milī mujh ko zarūrat se ziyāda

paḌhtī haiñ kitābeñ mujhe vahshat se ziyāda

tanhai mili mujh ko zarurat se ziyaada

paDhti hain kitaben mujhe wahshat se ziyaada