mohabbat ke liye kuchh ḳhaas dil maḳhsūs hote haiñ

ye vo naġhma hai jo har saaz par gaayā nahīñ jaatā

mohabbat ke liye kuchh KHas dil maKHsus hote hain

ye wo naghma hai jo har saz par gaya nahin jata

kise apnā banā.eñ koī is qābil nahīñ miltā

yahāñ patthar bahut milte haiñ lekin dil nahīñ miltā

kise apna banaen koi is qabil nahin milta

yahan patthar bahut milte hain lekin dil nahin milta

mohabbat ho to jaatī hai mohabbat kī nahīñ jaatī

ye sho.ala ḳhud bhaḌak uThtā hai bhaḌkāyā nahīñ jaatā

mohabbat ho to jati hai mohabbat ki nahin jati

ye shoala KHud bhaDak uThta hai bhaDkaya nahin jata

musāfir apnī manzil par pahuñch kar chain paate haiñ

vo maujeñ sar paTaktī haiñ jinheñ sāhil nahīñ miltā

musafir apni manzil par pahunch kar chain pate hain

wo maujen sar paTakti hain jinhen sahil nahin milta

mohabbat bad-gumāñ ho jaa.e to zinda nahīñ rahtī

asar dil par tumhārī be-ruḳhī se kuchh nahīñ hotā

mohabbat bad-guman ho jae to zinda nahin rahti

asar dil par tumhaari be-ruKHi se kuchh nahin hota

jinheñ ab gardish-e-aflāk paidā kar nahīñ saktī

kuchh aisī hastiyāñ bhī dafn haiñ gor-e-ġharībāñ meñ

jinhen ab gardish-e-aflak paida kar nahin sakti

kuchh aisi hastiyan bhi dafn hain gor-e-ghariban mein

chaman tum se ibārat hai bahāreñ tum se zinda haiñ

tumhāre sāmne phūloñ se murjhāyā nahīñ jaatā

chaman tum se ibarat hai bahaaren tum se zinda hain

tumhaare samne phulon se murjhaya nahin jata

mohabbat asl meñ 'maḳhmūr' vo rāz-e-haqīqat hai

samajh meñ aa gayā hai phir bhī samjhāyā nahīñ jaatā

mohabbat asl mein 'maKHmur' wo raaz-e-haqiqat hai

samajh mein aa gaya hai phir bhi samjhaya nahin jata

tumhāre naam se mansūb ho jaate haiñ dīvāne

ye apne hosh meñ hote to pahchāne kahāñ jaate

tumhaare nam se mansub ho jate hain diwane

ye apne hosh mein hote to pahchane kahan jate

har ik dāġh-e-tamannā ko kaleje se lagātā huuñ

ki ghar aa.ī huī daulat ko Thukrāyā nahīñ jaatā

har ek dagh-e-tamanna ko kaleje se lagata hun

ki ghar aai hui daulat ko Thukraya nahin jata

muqīm-e-dil haiñ vo armān jo puure nahīñ hote

ye vo ābād ghar hai jis kī vīrānī nahīñ jaatī

muqim-e-dil hain wo arman jo pure nahin hote

ye wo aabaad ghar hai jis ki virani nahin jati