shab-e-visāl meñ sunñā paḌā fasāna-e-ġhair

samajhte kaash vo apnā na rāzdār mujhe

shab-e-visal mein sunna paDa fasana-e-ghair

samajhte kash wo apna na raazdar mujhe

abhī is raah se koī gayā hai

kahe detī hai shoḳhī naqsh-e-pā kī

abhi is rah se koi gaya hai

kahe deti hai shoKHi naqsh-e-pa ki

jis vaqt nazar paḌtī hai us shoḳh pe 'taskīñ'

kyā kahiye ki jī meñ mere kyā kyā nahīñ hotā

jis waqt nazar paDti hai us shoKH pe 'taskin'

kya kahiye ki ji mein mere kya kya nahin hota

taskīn' karūñ kyā dil-e-muztar kā ilaaj ab

kam-baḳht ko mar kar bhī to ārām na aayā

taskin' karun kya dil-e-muztar ka ilaj ab

kam-baKHt ko mar kar bhi to aaram na aaya

qāsid aayā hai vahāñ se tū zarā tham to sahī

baat to karne de us se dil-e-betāb mujhe

qasid aaya hai wahan se tu zara tham to sahi

baat to karne de us se dil-e-betab mujhe

kartā huuñ terī zulf se dil kā mubādala

har-chand jāntā huuñ ye saudā burā nahīñ

karta hun teri zulf se dil ka mubaadala

har-chand jaanta hun ye sauda bura nahin

pūchhe jo tujh se koī ki 'taskīñ' se kyuuñ milā

kah diijo haal dekh ke rahm aa gayā mujhe

puchhe jo tujh se koi ki 'taskin' se kyun mila

kah dijo haal dekh ke rahm aa gaya mujhe

itnī na kiije jaane kī jaldī shab-e-visāl

dekhe haiñ maiñ ne kaam bigaḌte shitāb meñ

itni na kije jaane ki jaldi shab-e-visal

dekhe hain main ne kaam bigaDte shitab mein

kahe detī haiñ ye nīchī nigāheñ

ki bālā-e-zamīñ kyā kyā na hogā

kahe deti hain ye nichi nigahen

ki baala-e-zamin kya kya na hoga

zabt kartā huuñ vale is par bhī hai ye josh-e-ashk

gir paḌā jo aañkh se qatra vo dariyā ho gayā

zabt karta hun wale is par bhi hai ye josh-e-ashk

gir paDa jo aankh se qatra wo dariya ho gaya

'taskīñ' ne naam le ke tirā vaqt-e-marg aah

kyā jaane kyā kahā thā kisī ne sunā nahīñ

'taskin' ne nam le ke tera waqt-e-marg aah

kya jaane kya kaha tha kisi ne suna nahin