apnī āñkhoñ kā samundar bah ke to ḳhāmosh hai

dil ke andar kī sulagtī aag ko ham kyā kareñ

apni aankhon ka samundar bah ke to KHamosh hai

dil ke andar ki sulagti aag ko hum kya karen

ḳhudī kī raushnī meñ maiñ ne dekhā hai aqīdat ko

ḳhudā.ī varna aazar kī mirī Thokar pe rakkhī thī

KHudi ki raushni mein main ne dekha hai aqidat ko

KHudai warna aazar ki meri Thokar pe rakkhi thi

bajā.e zahrāb kis ne saaqī bhare haiñ amrit se jām-o-sāġhar

ki log āb-e-hayāt pī kar qazā se pahle hī mar rahe haiñ

bajae zahrab kis ne saqi bhare hain amrit se jam-o-saghar

ki log aab-e-hayat pi kar qaza se pahle hi mar rahe hain