کتاب دل کا مری ایک باب ہو تم بھی

تمہیں بھی پڑھتا ہوں میں اک نصاب کی صورت

تمہاری بات ہی کیا تم بڑے ہنر سے ملے

نہ زخم دل کی طرح اور نہ چارہ گر کی طرح

نئے ہیں وصل کے موسم محبتیں بھی نئی

نئے رقیب ہیں اب کے عداوتیں بھی نئی

شاید کہ یہ زمانہ انہیں پوجنے لگے

کچھ لوگ اس خیال سے پتھر کے ہو گئے

یہ سانحہ بھی ہو گیا ہے رستے میں

جو رہنما تھا وہی کھو گیا ہے رستے میں

یہ پیار کا جذبہ ترے کچھ کام تو آئے

میرا نہیں بنتا ہے تو بن اور کسی کا

وہ ایسے موڑ پر مجھ کو ملا تھا

میں تنہائی کا عادی ہو چکا تھا

یہ جو میں تجھ کو ہم آغوش کئے رہتا ہوں

جانے کس کس کو فراموش کئے رہتا ہوں

جل رہے ہیں ابھی کمزور عقیدوں کے چراغ

جس کا جی چاہے زمانے میں خدا ہو جائے

جلا دئے ہیں کسی نے پرانے خط ورنہ

فضا میں ایسا تو رقص شرر نہیں ہوتا

محبتوں کے حسیں باب سے ذرا آگے

کتاب زیست میں ملتا ہے گمرہی کا ورق

جب بھی یہ سوچنے لگتا ہوں کہ کون اپنا ہے

ذہن میں آ کے کئی نام نکل جاتے ہیں

پھنس ہی جاتے ہیں کسی دام میں آخر ہم لوگ

لاکھ کہتے ہیں چھلاوے میں نہیں آئیں گے

تھام رکھی ہے ہم نے چال اپنی

آج کل ہیں ستارے گردش میں

شاید کہ یہ زمانہ انہیں پوجنے لگے

کچھ لوگ اس خیال سے پتھر کے ہو گئے

جل رہے ہیں ابھی کمزور عقیدوں کے چراغ

جس کا جی چاہے زمانے میں خدا ہو جائے

یہ جو میں تجھ کو ہم آغوش کیے رہتا ہوں

جانے کس کس کو فراموش کیے رہتا ہوں

وہ ایسے موڑ پر مجھ کو ملا تھا

میں تنہائی کا عادی ہو چکا تھا

تمہاری بات ہی کیا تم بڑے ہنر سے ملے

نہ زخم دل کی طرح اور نہ چارہ گر کی طرح