ayyām ke ġhubār se niklā to der tak

maiñ rāstoñ ko dhuul banā dekhtā rahā

ayyam ke ghubar se nikla to der tak

main raston ko dhul bana dekhta raha

rahtī hai shab-o-roz meñ bārish sī tirī yaad

ḳhvāboñ meñ utar jaatī haiñ ghanghor sī āñkheñ

rahti hai shab-o-roz mein barish si teri yaad

KHwabon mein utar jati hain ghanghor si aankhen

sahar kī guuñj se āvāza-e-jamāl huā

so jāgtā rahā atrāf ko jagā.e hue

sahar ki gunj se aawaza-e-jamal hua

so jagta raha atraf ko jagae hue

darvāze the kuchh aur bhī darvāze ke pīchhe

barsoñ pe ga.ī baat mahīnoñ se nikal kar

darwaze the kuchh aur bhi darwaze ke pichhe

barson pe gai baat mahinon se nikal kar

maiñ ne bachpan kī ḳhushbū-e-nāzuk

ek titlī ke sañg uḌaa.ī thī

main ne bachpan ki KHushbu-e-nazuk

ek titli ke sang uDai thi