آغاز برنی کی شاعری

آغاز برنی کے اشعار

مرے احساس کے آتش فشاں کا

اگر ہو تو مرے دل تک دھواں ہو

اسے سلجھاؤں کیسے

میں خود الجھا ہوا ہوں

میں تو بس یہ چاہتا ہوں وصل بھی

دو دلوں کے درمیاں حائل نہ ہو

وہ خواب جس پہ تیرہ شبی کا گمان تھا

وہ خواب آفتاب کی تعبیر ہو گیا

قد کا اندازہ تمہیں ہو جائے گا

اپنے سائے کو گھٹا کر دیکھنا

میں خود سے چھپا لیکن

اس شخص پہ عریاں تھا

اب اگر عشق کے آثار نہیں بدلیں گے

ہم بھی پیرایۂ اظہار نہیں بدلیں گے

اے شب غم مرے مقدر کی

تیرے دامن میں اک سحر ہوتی