tū mayassar thā to dil meñ the hazāroñ armāñ

tū nahīñ hai to har ik samt ajab rañg-e-malāl

tu mayassar tha to dil mein the hazaron arman

tu nahin hai to har ek samt ajab rang-e-malal

vo merī raah meñ kāñTe bichhā.e maiñ lekin

usī ko pyaar karūñ us pe e'tibār karūñ

wo meri rah mein kanTe bichhae main lekin

usi ko pyar karun us pe e'tibar karun

kyuuñ hamāre saañs bhī hote haiñ logoñ par girāñ

ham bhī to ik umr le kar is jahāñ meñ aa.e the

kyun hamare sans bhi hote hain logon par giran

hum bhi to ek umr le kar is jahan mein aae the

ajiib vahshateñ hisse meñ apne aa.ī haiñ

ki tere ghar bhī pahuñch kar sakūñ na paa.eñ ham

ajib wahshaten hisse mein apne aai hain

ki tere ghar bhi pahunch kar sakun na paen hum

ab ye hogā shāyad apnī aag meñ ḳhud jal jā.eñge

tum se duur bahut rah kar bhī kyā paayā kyā pā.eñge

ab ye hoga shayad apni aag mein KHud jal jaenge

tum se dur bahut rah kar bhi kya paya kya paenge