dekho us ne qadam qadam par saath diyā begāne kā

'aḳhtar' jis ne ahd kiyā thā tum se saath nibhāne kā

dekho us ne qadam qadam par sath diya begane ka

'aKHtar' jis ne ahd kiya tha tum se sath nibhane ka

ik tere hī kūche par mauqūf nahīñ hai kuchh

har gaam haiñ ta.azīreñ ham log jahāñ bhī haiñ

ek tere hi kuche par mauquf nahin hai kuchh

har gam hain taziren hum log jahan bhi hain

hasad kā rañg pasandīda rañg hai sab kā

yahāñ kisī ko koī ab duā nahīñ detā

hasad ka rang pasandida rang hai sab ka

yahan kisi ko koi ab dua nahin deta

jazbe kī kaḌī dhuup ho to kyā nahīñ mumkin

ye kis ne kahā sañg pighaltā hī nahīñ hai

jazbe ki kaDi dhup ho to kya nahin mumkin

ye kis ne kaha sang pighalta hi nahin hai

kitne mahbūb gharoñ se ga.e kis ko ma.alūm

vāpas aa.e haiñ jo apnoñ meñ ḳhabar kī sūrat

kitne mahbub gharon se gae kis ko malum

wapas aae hain jo apnon mein KHabar ki surat