maiñ to is vāste chup huuñ ki tamāshā na bane

tū samajhtā hai mujhe tujh se gilā kuchh bhī nahīñ

main to is waste chup hun ki tamasha na bane

tu samajhta hai mujhe tujh se gila kuchh bhi nahin

abhī safar meñ koī moḌ hī nahīñ aayā

nikal gayā hai ye chup-chāp dāstān se kaun

abhi safar mein koi moD hi nahin aaya

nikal gaya hai ye chup-chap dastan se kaun

maiñ ghar ko phūñk rahā thā baḌe yaqīn ke saath

ki terī raah meñ pahlā qadam uThānā thā

main ghar ko phunk raha tha baDe yaqin ke sath

ki teri rah mein pahla qadam uThana tha

muddatoñ meñ aaj dil ne faisla āḳhir diyā

ḳhūb-sūrat hī sahī lekin ye duniyā jhuuT hai

muddaton mein aaj dil ne faisla aaKHir diya

KHub-surat hi sahi lekin ye duniya jhuT hai

ab to hāthoñ se lakīreñ bhī miTī jaatī haiñ

us ko kho kar to mire paas rahā kuchh bhī nahīñ

ab to hathon se lakiren bhi miTi jati hain

us ko kho kar to mere pas raha kuchh bhi nahin

vo muskurā ke koī baat kar rahā thā 'shumār'

aur us ke lafz bhī the chāñdnī meñ bikhre hue

wo muskura ke koi baat kar raha tha 'shumar'

aur us ke lafz bhi the chandni mein bikhre hue

tū ne ek umr ke ba.ad pūchhā hai hāl-e-dil

vahī dard-o-ġham vahī hasrateñ mire saath haiñ

tu ne ek umr ke baad puchha hai haal-e-dil

wahi dard-o-gham wahi hasraten mere sath hain

mirī nigāh kī vus.at bhī is meñ shāmil kar

mirī zamīn pe terā ye āsmāñ kam hai

meri nigah ki wusat bhi is mein shamil kar

meri zamin pe tera ye aasman kam hai

merī rusvā.ī agar saath na detī merā

yuuñ sar-e-bazm maiñ izzat se nikaltā kaise

meri ruswai agar sath na deti mera

yun sar-e-bazm main izzat se nikalta kaise

maiñ zindagī ke safar meñ thā mashġhala us kā

vo DhūñD DhūñD ke mujh ko gañvā diyā kartā

main zindagi ke safar mein tha mashghala us ka

wo DhunD DhunD ke mujh ko ganwa diya karta

pahāḌ bhāñp rahā thā mire irāde ko

vo is liye bhī ki tesha mujhe uThānā thā

pahaD bhanp raha tha mere irade ko

wo is liye bhi ki tesha mujhe uThana tha

dil ke aurāq meñ mahkī huī kaliyoñ kī tarah

ek ik yaad tirī hasb-e-zarūrat rakh lī

dil ke auraq mein mahki hui kaliyon ki tarah

ek ek yaad teri hasb-e-zarurat rakh li