agar ho qais to phir jā ke DhūñDo lailā ko

agar ho jaun to phir fāriha ke saath raho

agar ho qais to phir ja ke DhunDo laila ko

agar ho jaun to phir fariha ke sath raho

ḳhudī se pyaar karo aur ḳhudā ke saath raho

ye tum se kis ne kahā bevafā ke saath raho

KHudi se pyar karo aur KHuda ke sath raho

ye tum se kis ne kaha bewafa ke sath raho

jab se TuuTā hai to chubhtā hai mirī āñkhoñ meñ

ḳhvāb thā merā kisī kāñch ke jaisā shāyad

jab se TuTa hai to chubhta hai meri aankhon mein

KHwab tha mera kisi kanch ke jaisa shayad

ik tajassus huā kartā hai bure kaam se qabl

ek pachhtāvā bure kaam ke anjām ke baad

ek tajassus hua karta hai bure kaam se qabl

ek pachhtawa bure kaam ke anjam ke baad

sazā.eñ dekhtā huuñ aur sochtā huuñ maiñ

jahāñ meñ ishq se baḌh kar koī bhī jurm nahīñ

sazaen dekhta hun aur sochta hun main

jahan mein ishq se baDh kar koi bhi jurm nahin

zindagī ḳhvāb hai aur ḳhvāb bhī aisā ki jise

jāgtī āñkhoñ se sab ke liye dekhā jaa.e

zindagi KHwab hai aur KHwab bhi aisa ki jise

jagti aankhon se sab ke liye dekha jae

ḳhudā se chand māñgeñ haiñ hamārī

hamārī bandagī haḌtāl par hai

KHuda se chand mangen hain hamari

hamari bandagi haDtal par hai