jaane is vaqt kahāñ phone paḌā ho us kā

jaane is vaqt vo kis shaḳhs kī āġhosh meñ ho

jaane is waqt kahan phone paDa ho us ka

jaane is waqt wo kis shaKHs ki aaghosh mein ho

safar nigal ga.e ham ko vagarna ham ne bhī

kahīñ pahuñch ke kisī ko gale lagānā thā

safar nigal gae hum ko wagarna hum ne bhi

kahin pahunch ke kisi ko gale lagana tha

jin dinoñ 'ishq nahīñ hotā thā

kaale paanī kī sazā hotī thī

jin dinon 'ishq nahin hota tha

kale pani ki saza hoti thi

sukūñ lapeT ke kone meñ pheñk detī hai

ki jaise kaam pe aatī hai khalbalī mujh meñ

sukun lapeT ke kone mein phenk deti hai

ki jaise kaam pe aati hai khalbali mujh mein

ḳhudā ko ḳhat likhūñgā ḳhud-kushī kā

likhūñgā maiñ resign kar rahā huuñ

KHuda ko KHat likhunga KHud-kushi ka

likhunga main resign kar raha hun

us kī āñkhoñ pe mire paas koī she'r nahīñ

ek mazmūn hai mazmūn bhī tafsīlī hai

us ki aankhon pe mere pas koi she'r nahin

ek mazmun hai mazmun bhi tafsili hai

ye kaun pā.eñche ūñche kiye utartā hai

hamārī aañkh meñ sailāb dekhne ke liye

ye kaun paenche unche kiye utarta hai

hamari aankh mein sailab dekhne ke liye

ek bosa udhār hai tum par

aur chaa.e bhī tez pattī kī

ek bosa udhaar hai tum par

aur chae bhi tez patti ki

vo aa ga.ī to muravvat meñ pesh karnā paḌī

vo chaa.e us kī nahīñ thī jo us ne pī lī thī

wo aa gai to murawwat mein pesh karna paDi

wo chae us ki nahin thi jo us ne pi li thi

baat karte hue pairoñ kī taraf dekhtā huuñ

apne mālik kī tabī'at kā patā hai mujh ko

baat karte hue pairon ki taraf dekhta hun

apne malik ki tabi'at ka pata hai mujh ko

roz kartī hai vo miTTī se lipā.ī lekin

roz dīvār meñ sūrāḳh nikal aatā hai

roz karti hai wo miTTi se lipai lekin

roz diwar mein suraKH nikal aata hai

paanī kī pesh-raft ne sūkhā bhagā diyā

bārish ke baa'd ghaas kī TukḌī lahak uThī

pani ki pesh-raft ne sukha bhaga diya

barish ke ba'd ghas ki TukDi lahak uThi

dariyā ne bhī bhāg-bharī kī gāgar itnī bhar dī hai

ab gāgar ke hoñT bhigote jaate haiñ pagDanDī ko

dariya ne bhi bhag-bhari ki gagar itni bhar di hai

ab gagar ke honT bhigote jate hain pagDanDi ko

class-rōm meñ itnā samay nahīñ hotā

ye sāniha tumheñ ghar se banā ke laanā thā

class-room mein itna samay nahin hota

ye saniha tumhein ghar se bana ke lana tha

badan to thā hī nahīñ aag thī mujassam aag

ham us se milte nahīñ to jale nahīñ hote

badan to tha hi nahin aag thi mujassam aag

hum us se milte nahin to jale nahin hote

shikam se maañ ke galī se tumhārī duniyā se

jahāñ kahīñ se bhī nikle haiñ rote nikle haiñ

shikam se man ke gali se tumhaari duniya se

jahan kahin se bhi nikle hain rote nikle hain

us ne 'ujlat meñ ġhalat sil pe qadam rakkhā thā

pech khāte hue zīnoñ ne use gher liyā

us ne 'ujlat mein ghalat sil pe qadam rakkha tha

pech khate hue zinon ne use gher liya

aap kī sabz-nigāhī kā fusūñ taarī huā

aur manzar ne koī taaza jatan kaat liyā

aap ki sabz-nigahi ka fusun tari hua

aur manzar ne koi taza jatan kat liya

tīrgī meñ aadmī ko hausla dete hue

har sitāre ko farishta maan lenā chāhiye

tirgi mein aadmi ko hausla dete hue

har sitare ko farishta man lena chahiye

sipah-garī kā hunar bhī suḳhan-varī bhī ho

maiñ chāhtā huuñ ki lashkar bhī ho parī bhī ho

sipah-gari ka hunar bhi suKHan-wari bhi ho

main chahta hun ki lashkar bhi ho pari bhi ho

ḳhair kī saarī du'āoñ kā bhalā ho laḌkī

ek bosa dam-e-ruḳhsat ki girānī nikle

KHair ki sari du'aon ka bhala ho laDki

ek bosa dam-e-ruKHsat ki girani nikle

gale lagā ke ravāna bhī kar sakūñ us ko

palaT ke aa.e to sāzish kī muḳhbirī bhī ho

gale laga ke rawana bhi kar sakun us ko

palaT ke aae to sazish ki muKHbiri bhi ho

raat vo shāḳh-e-badan mujh pe jhukī jaatī thī

aur phal muñh ko pahuñchtā thā lagā jo bhī thā

raat wo shaKH-e-badan mujh pe jhuki jati thi

aur phal munh ko pahunchta tha laga jo bhi tha

tave par buuñd paḌne kā 'amal hai

maiñ jis miTTī pe kin-min kar rahā huuñ

tawe par bund paDne ka 'amal hai

main jis miTTi pe kin-min kar raha hun

vaqt farmāñ-ravā-e-dillī hai

aur maiñ bhakt huuñ barelī kā

waqt farman-rawa-e-dilli hai

aur main bhakt hun bareli ka

do ghaḌī niiñd kī mohlat hai vo ġham taak meñ hai

jis tarah saañp kā bachcha koī pā-posh meñ ho

do ghaDi nind ki mohlat hai wo gham tak mein hai

jis tarah sanp ka bachcha koi pa-posh mein ho

bālā-ḳhāne se chīḳh uThtī thī

aur dar band thā havelī kā

baala-KHane se chiKH uThti thi

aur dar band tha haweli ka

dostoñ ko bhī tah-ba-tah rakh de

jaise rakhtī hai tū libās apne

doston ko bhi tah-ba-tah rakh de

jaise rakhti hai tu libas apne

dar-e-vajūd pe jaane tū kis se mil aa.ī

ki chaar pāñch to rahte haiñ aadmī mujh meñ

dar-e-wajud pe jaane tu kis se mil aai

ki chaar panch to rahte hain aadmi mujh mein

badan tabla huā jaatā hai dukh se

tinak dhin-dhin tinak dhin kar rahā huuñ

badan tabla hua jata hai dukh se

tinak dhin-dhin tinak dhin kar raha hun

lams-e-husn-e-'ajīb kī ḳhvāhish

sar uThātī thī maar dī maiñ ne

lams-e-husn-e-'ajib ki KHwahish

sar uThati thi mar di main ne

zindagī maiñ tujhe raste se uThā laayā huuñ

tū kisī aur se Takrā.ī thī aage maiñ thā

zindagi main tujhe raste se uTha laya hun

tu kisi aur se Takrai thi aage main tha