vafā nigāh kī tālib hai imtihāñ kī nahīñ

vo merī ruuh meñ jhāñke na āzmā.e mujhe

wafa nigah ki talib hai imtihan ki nahin

wo meri ruh mein jhanke na aazmae mujhe

zaat kā ā.īna jab dekhā to hairānī huī

maiñ na thā goyā koī mujh sā thā mere rū-ba-rū

zat ka aaina jab dekha to hairani hui

main na tha goya koi mujh sa tha mere ru-ba-ru

chāñd mere ghar meñ utrā thā kahīñ Duubā na thā

ai mire sūraj abhī aanā tirā achchhā na thā

chand mere ghar mein utra tha kahin Duba na tha

ai mere suraj abhi aana tera achchha na tha

kabhī ḳhayāl ke rishtoñ ko bhī TaTol ke dekh

maiñ tujh se duur sahī tujh se kuchh judā bhī nahīñ

kabhi KHayal ke rishton ko bhi TaTol ke dekh

main tujh se dur sahi tujh se kuchh juda bhi nahin

thā e'timād-e-husn se tū is qadar tahī

ā.īna dekhne kā tujhe hausla na thā

tha e'timad-e-husn se tu is qadar tahi

aaina dekhne ka tujhe hausla na tha

hamīñ ne rāstoñ kī ḳhaak chhānī

hamīñ aa.e haiñ tere paas chal ke

hamin ne raston ki KHak chhani

hamin aae hain tere pas chal ke

titliyāñ rañgoñ kā mahshar haiñ kabhī sochā na thā

un ko chhūne par khulā vo raaz jo khultā na thaa!

titliyan rangon ka mahshar hain kabhi socha na tha

un ko chhune par khula wo raaz jo khulta na tha!

tīra-o-tār ḳhalāoñ meñ bhaTaktā rahā zehan

raat sahrā-e-anā se maiñ hirāsāñ guzrā

tira-o-tar KHalaon mein bhaTakta raha zehan

raat sahra-e-ana se main hirasan guzra