kahāñ sar chhupā.eñ patā hī nahīñ

ki girne lagī ghar kī dīvār ab

kahan sar chhupaen pata hi nahin

ki girne lagi ghar ki diwar ab

saarī duniyā ko jītne vaalā

apne bachchoñ se haar jaatā hai

sari duniya ko jitne wala

apne bachchon se haar jata hai

sar pe dastār jab salāmat hai

dil meñ aatī huī anā se Dar

sar pe dastar jab salamat hai

dil mein aati hui ana se Dar

talātum meñ kabhī utrā thā 'asġhar'

samundar aaj tak sahmā huā hai

talatum mein kabhi utra tha 'asghar'

samundar aaj tak sahma hua hai

shahr to kab kā jal chukā 'asġhar'

uTh rahā hai magar dhuāñ ab tak

shahr to kab ka jal chuka 'asghar'

uTh raha hai magar dhuan ab tak

dil meñ 'asġhar' ke ḳhushiyoñ kī barsāt thī

hañste hañste vo kyuuñ ġham-zada ho gayā

dil mein 'asghar' ke KHushiyon ki barsat thi

hanste hanste wo kyun gham-zada ho gaya