کیا کیا نہ پیاس جاگے مرے دل کے دشت میں

حسرت بھی ایک آگ ہے لاگے جو رات بھر

تراش اور بھی اپنے تصور رب کو

ترے خدا سے تو بہتر مرا صنم ہے ابھی

چاہیئے کیا تمہیں تحفے میں بتا دو ورنہ

ہم تو بازار کے بازار اٹھا لائیں گے

یوں محبت سے نہ ہم خانہ بدوشوں کو بلا

اتنے سادہ ہیں کہ گھر بار اٹھا لائیں گے

وہ اک سخن ہی ہماری سند نہ بن جائے

وہ اک سخن جو تمہاری سند نہیں رکھتا

ہاں تجھے بھی تو میسر نہیں تجھ سا کوئی

ہے ترا عرش بھی ویراں مرے پہلو کی طرح

طوفان بحر خاک ڈراتا مجھے ترابؔ

اس سے بڑا بھنور تو سفینے کے بیچ تھا

عشق تو اپنے لہو میں ہی سنورتا ہے سو ہم

کس لیے رخ پہ کوئی غازہ لگا کر دیکھیں