aane vaalī aa nahīñ chuktī jaane vaalī jā bhī chukī

vaise to har jaane vaalī raat thī aane vaalī raat

aane wali aa nahin chukti jaane wali ja bhi chuki

waise to har jaane wali raat thi aane wali raat

ye duniyā hai yahāñ har ābgīna TuuT jaatā hai

kahīñ chhupte phiro āḳhir zamāna DhūñDh hī legā

ye duniya hai yahan har aabgina TuT jata hai

kahin chhupte phiro aaKHir zamana DhunDh hi lega

kuchh ḳhvāb kuchh ḳhayāl meñ mastūr ho ga.e

tum kyā qarīb nikle ki sab duur ho ga.e

kuchh KHwab kuchh KHayal mein mastur ho gae

tum kya qarib nikle ki sab dur ho gae

tumhārī bazm se jab bhī uThe to hāl-zada

kabhī javāb ke maare kabhī savāl-zada

tumhaari bazm se jab bhi uThe to haal-zada

kabhi jawab ke mare kabhi sawal-zada

un ko bhī 'jamīl' apne muqaddar se gila hai

vo log jo sunte the ki chālāk bahut haiñ

un ko bhi 'jamil' apne muqaddar se gila hai

wo log jo sunte the ki chaalak bahut hain