ham gardish-e-girdāb-e-alam se nahīñ Darte

tūfāñ hai agar aaj kināra bhī to hogā

hum gardish-e-girdab-e-alam se nahin Darte

tufan hai agar aaj kinara bhi to hoga

yuuñ tasavvur meñ dabe paañv tirī yaad aa.ī

jis tarah shaam kī bāñhoñ meñ sitāre aa.e

yun tasawwur mein dabe panw teri yaad aai

jis tarah sham ki banhon mein sitare aae

girtī huī dīvār kā saaya thā tirā saath

phir bhī tirī bāhoñ se judā the to hamīñ the

girti hui diwar ka saya tha tera sath

phir bhi teri bahon se juda the to hamin the