ترے وصال کی کب آرزو رہی دل کو

کہ ہم نے چاہا تجھے شوق بے سبب کے لیے

حسن اور عشق ہیں دونوں کافر

دونوں میں اک جھگڑا سا ہے

ہم بھی کسی شیریں کے لیے خانہ بدر تھے

فرہاد رہ عشق میں تنہا تو نہ نکلا

چاند کو تم آواز تو دے لو

ایک مسافر تنہا تو ہے

ہجر میں اس نگار تاباں کے

لمحہ لمحہ برس ہے کیا کیجے

صحرا کا کوئی پھول معطر تو نہیں تھا

تھا ایک چھلاوا کوئی منظر تو نہیں تھا

کہنے والے کہتا جا تو

سننے والا سنتا تو ہے

جم بھی وہی دارا بھی سکندر بھی وہی ہے

جی کر بھی ترا اور جو مر کر بھی ترا ہے