گلا بھی تجھ سے بہت ہے مگر محبت بھی

وہ بات اپنی جگہ ہے یہ بات اپنی جگہ

کیسے یاد رہی تجھ کو

میری اک چھوٹی سی بھول

جب بھی ملے ہم ان سے انہوں نے یہی کہا

بس آج آنے والے تھے ہم آپ کی طرف

دل لگا لیتے ہیں اہل دل وطن کوئی بھی ہو

پھول کو کھلنے سے مطلب ہے چمن کوئی بھی ہو

تیرے دیے ہوئے دکھ

تیرے نام کریں گے

باصرؔ تمہیں یہاں کا ابھی تجربہ نہیں

بیمار ہو؟ پڑے رہو، مر بھی گئے تو کیا

رک گیا ہاتھ ترا کیوں باصرؔ

کوئی کانٹا تو نہ تھا پھولوں میں

تو جب سامنے ہوتا ہے

اور کہیں ہوتا ہوں میں

کچھ تو حساس ہم زیادہ ہیں

کچھ وہ برہم زیادہ ہوتا ہے

ختم ہوئیں ساری باتیں

اچھا اب چلتا ہوں میں

چمکی تھی ایک برق سی پھولوں کے آس پاس

پھر کیا ہوا چمن میں مجھے کچھ خبر نہیں

اب دل کو سمجھائے کون

بات اگرچہ ہے معقول

اپنی باتوں کے زمانے تو ہوا برد ہوئے

اب کیا کرتے ہیں ہم صورت حالات پہ بات

بڑھ گئی تجھ سے مل کے تنہائی

روح جویائے ہم سبو تھی بہت

موجب رنگ چمن خون شہیداں نکلا

موت کی جیب سے بھی زیست کا ساماں نکلا