ہر سمت ہے ویرانی سی ویرانی کا عالم

اب گھر سا نظر آنے لگا ہے مرا گھر بھی

ہوتی رہی آنکھوں سے جو یوں خون کی بارش

دل ختم نہ ہو جائے جگر ختم نہ ہو جائے

سمٹا ترا خیال تو دل میں سما گیا

پھیلا تو اس قدر کہ سمندر لگا مجھے

ہر نشتر تفریق نے مرہم کا کیا کام

توڑے گئے لیکن مرے احباب نہ ٹوٹے

پھر گردش دوراں سے الجھنا نہیں مشکل

غربت میں جو پندار تب و تاب نہ ٹوٹے

گھر میں بھی نظر آئیں گے انداز بیاباں

جب تک مری وحشت کا اثر ختم نہ ہو جائے