ye kyuuñ kahte ho rāh-e-ishq par chalnā hai ham ko

kaho ki zindagī se ab farāġhat chāhiye hai

ye kyun kahte ho rah-e-ishq par chalna hai hum ko

kaho ki zindagi se ab faraghat chahiye hai

tirā dīdār ho āñkheñ kisī bhī samt dekheñ

so har chehre meñ ab terī shabāhat chāhiye hai

tera didar ho aankhen kisi bhi samt dekhen

so har chehre mein ab teri shabahat chahiye hai

merā har ḳhvāb to bas ḳhvāb hī jaisā niklā

kyā kisī ḳhvāb kī ta.abīr bhī ho saktī hai

mera har KHwab to bas KHwab hi jaisa nikla

kya kisi KHwab ki tabir bhi ho sakti hai

milnā hai agar ḳhud se to phir der na karnā

kho jaane kā Dar hotā hai tāḳhīr meñ likh de

milna hai agar KHud se to phir der na karna

kho jaane ka Dar hota hai taKHir mein likh de

nahīñ hotī hai rāh-e-ishq meñ āsān manzil

safar meñ bhī to sadiyoñ kī masāfat chāhiye hai

nahin hoti hai rah-e-ishq mein aasan manzil

safar mein bhi to sadiyon ki masafat chahiye hai

dil aisā makāñ hai jo agar TuuT gayā to

lag jā.eñgī sadiyāñ na.ī ta.amīr meñ likh de

dil aisa makan hai jo agar TuT gaya to

lag jaengi sadiyan nai tamir mein likh de

DhūñDeñge har ik chiiz meñ jiine kī umañgeñ

dil kī kisī ḳhvāhish ko bhī māreñge nahīñ ham

DhunDenge har ek chiz mein jine ki umangen

dil ki kisi KHwahish ko bhi marenge nahin hum