achchhī-ḳhāsī rusvā.ī kā sabab hotī hai

dūsrī aurat pahlī jaisī kab hotī hai

achchhi-KHasi ruswai ka sabab hoti hai

dusri aurat pahli jaisi kab hoti hai

hazāroñ saal kī thī aag mujh meñ

ragaḌne tak maiñ ik patthar rahā thā

hazaron sal ki thi aag mujh mein

ragaDne tak main ek patthar raha tha

mil rahī hai mujhe nā-karda gunāhoñ kī sazā

mere mālik mire sajde mujhe vāpas kar de

mil rahi hai mujhe na-karda gunahon ki saza

mere malik mere sajde mujhe wapas kar de

ab ke rūThe to manāne nahīñ aayā koī

baat baḌh jaa.e to ho jaatī hai kam aap hī aap

ab ke ruThe to manane nahin aaya koi

baat baDh jae to ho jati hai kam aap hi aap

koī to zid meñ ye aa kar kabhī kahe ham se

ye baat yuuñ nahīñ aise thī yuuñ huā hogā

koi to zid mein ye aa kar kabhi kahe hum se

ye baat yun nahin aise thi yun hua hoga

tujh ko manzūr nahīñ mujh ko hai ab bhī manzūr

merī qurbat mire bose mujhe vāpas kar de

tujh ko manzur nahin mujh ko hai ab bhi manzur

meri qurbat mere bose mujhe wapas kar de

ishq kiyā to apnī hī nādānī thī

varna duniyā jaan kī dushman kab hotī hai

ishq kiya to apni hi nadani thi

warna duniya jaan ki dushman kab hoti hai

kaise aatā hai dabe paañv gunāhoñ kā ḳhayāl

kitnī ḳhāmoshī se darvāza khulā thā pahle

kaise aata hai dabe panw gunahon ka KHayal

kitni KHamoshi se darwaza khula tha pahle

yahī din haiñ barat le jitne zevar terā jī chāhe

Dhalegī umr to ye chāñdī sonā kaun dekhegā

yahi din hain barat le jitne zewar tera ji chahe

Dhalegi umr to ye chandi sona kaun dekhega

jo marā hai hādse meñ mirā us se kyā thā rishta

ye saḌak jo ḳhuuñ meñ tar hai mujhe kyuuñ pukārtī hai

jo mara hai hadse mein mera us se kya tha rishta

ye saDak jo KHun mein tar hai mujhe kyun pukarti hai

kis anmol pashemānī kī daulat hai in ā.ankhoñ meñ

palkoñ par do aañsū jhamkeñ motī ke se daane do

kis anmol pashemani ki daulat hai in aaankhon mein

palkon par do aansu jhamken moti ke se dane do

mirā rotā bachcha bahaltā thā jis se

vo lakḌī kā hāthī uThā le gayā vo

mera rota bachcha bahalta tha jis se

wo lakDi ka hathi uTha le gaya wo

maiñ kahāñ aayā huuñ laa.e haiñ tirī mahfil meñ

mirī vahshat mire majbūr qadam aap hī aap

main kahan aaya hun lae hain teri mahfil mein

meri wahshat mere majbur qadam aap hi aap

namak aatā nahīñ hai raas sab dil ke marīzoñ ko

batā aise tirā chehra salonā kaun dekhegā

namak aata nahin hai ras sab dil ke marizon ko

bata aise tera chehra salona kaun dekhega

na.e bachchoñ ko chāhat hai na.e mahñge khilaunoñ kī

ye aaTh aane kā phirkī kā khilaunā kaun dekhegā

nae bachchon ko chahat hai nae mahnge khilaunon ki

ye aaTh aane ka phirki ka khilauna kaun dekhega