kuchh aur de na paa.e zamāne ko ham 'hilāl'

paiġhām-e-amn deñge isī shā.erī se ham

kuchh aur de na pae zamane ko hum 'hilal'

paigham-e-amn denge isi shaeri se hum

ġharīb shaḳhs ko miltā nahīñ kisī bhī tarah

ye ishq ho gayā sarkārī naukrī kī tarah

gharib shaKHs ko milta nahin kisi bhi tarah

ye ishq ho gaya sarkari naukri ki tarah

jab chhuā hogā us ne phūloñ ko

hosh ḳhushbū ke uḌ ga.e hoñge

jab chhua hoga us ne phulon ko

hosh KHushbu ke uD gae honge

tumhāre sāmne jazbāt saare khol saktā huuñ

jo sunñā chāhte ho tum maiñ vo bhī bol saktā huuñ

tumhaare samne jazbaat sare khol sakta hun

jo sunna chahte ho tum main wo bhi bol sakta hun

maujūd mere dil meñ tumhārī jo yaad hai

ye merī milkiyat hai mirī jā.edād hai

maujud mere dil mein tumhaari jo yaad hai

ye meri milkiyat hai meri jaedad hai

tum ne jo mere dil ko pareshān kiyā hai

ye ghar to tumhārā thā jo vīrān kiyā hai

tum ne jo mere dil ko pareshan kiya hai

ye ghar to tumhaara tha jo viran kiya hai

kahne pe tere maañ ko bhalā kaise chhoḌ duuñ

tū aisā kar ki dūsrā shauhar talāsh kar

kahne pe tere man ko bhala kaise chhoD dun

tu aisa kar ki dusra shauhar talash kar

maujūd mere dil meñ jo zaḳhmoñ ke daaġh haiñ

vo ek bevafā ke sitam ke charāġh haiñ

maujud mere dil mein jo zaKHmon ke dagh hain

wo ek bewafa ke sitam ke charagh hain

saare jahāñ meñ mere sukūñ kā nishāñ nahīñ

sab kuchh hai mere paas magar merī maañ nahīñ

sare jahan mein mere sukun ka nishan nahin

sab kuchh hai mere pas magar meri man nahin

sirf rishta nahīñ ek ehsās hai

duur ho kar bhī maañ to mire paas hai

sirf rishta nahin ek ehsas hai

dur ho kar bhi man to mere pas hai

mujhe ye faḳhr hai tum ko ḳhayāl rahtā hai

tumhāre zehn meñ koī 'hilāl' rahtā hai

mujhe ye faKHr hai tum ko KHayal rahta hai

tumhaare zehn mein koi 'hilal' rahta hai

mire nikāh se pahle ye baat likh denā

tum apne mehr meñ merī hayāt likh denā

mere nikah se pahle ye baat likh dena

tum apne mehr mein meri hayat likh dena

chehre se na jānegā āvāz se jānegā

har shaḳhs mujhe mere andāz se jānegā

chehre se na jaanega aawaz se jaanega

har shaKHs mujhe mere andaz se jaanega

'hilāl' aur ziyāda ho terā zor-e-qalam

ye shā.erī tirī dil kī zabān tak pahuñchī

'hilal' aur ziyaada ho tera zor-e-qalam

ye shaeri teri dil ki zaban tak pahunchi

maza to jab hai ki dil kā añdherā miT jaa.e

gharoñ meñ laakh charāġhāñ kiyā kare koī

maza to jab hai ki dil ka andhera miT jae

gharon mein lakh charaghan kiya kare koi

shajar pe ishq ke pattā harā nahīñ utrā

mirī kasauTī pe tū bhī kharā nahīñ utrā

shajar pe ishq ke patta hara nahin utra

meri kasauTi pe tu bhi khara nahin utra

unheñ batāo buzurgoñ kā hai karam is par

'hilāl' achchhā suḳhanvar isī liye to hai

unhen batao buzurgon ka hai karam is par

'hilal' achchha suKHanwar isi liye to hai