جس طرح لوگ خسارے میں بہت سوچتے ہیں

آج کل ہم ترے بارے میں بہت سوچتے ہیں

تری پہلی دید کے ساتھ ہی وہ فسوں بھی تھا

تجھے دیکھ کر تجھے دیکھنا مجھے آ گیا

زیان دل ہی اس بازار میں سود محبت ہے

یہاں ہے فائدہ خود کو اگر نقصان میں رکھ لیں

وہ بھی رو رو کے بجھا ڈالا ہے اب آنکھوں نے

روشنی دیتا تھا جو ایک دیا اندر سے

بننا تھا تو بنتا نہ فرشتہ نہ خدا میں

انسان ہی بنتا مری تکمیل تو یہ تھی

مری خاک اس نے بکھیر دی سر رہ غبار بنا دیا

میں جب آ سکا نہ شمار میں مجھے بے شمار بنا دیا

اب بانجھ زمینوں سے امید بھی کیا رکھنا

روئیں بھی تو لا حاصل بوئیں بھی تو کیا کاٹیں

ترے جزو جزو خیال کو رگ جاں میں پورا اتار کر

وہ جو بار بار کی شکل تھی اسے ایک بار بنا دیا

پر لے کے کدھر جائیں کچھ دور تک اڑ آئیں

دم جتنا میسر ہے یہ ٹھہری ہوا کاٹیں

دھیان آیا مجھے رات کی تنہا سفری کا

یک دم کوئی سایہ سا گلی سے نکل آیا