vo ik lamha jo tere qurb kī ḳhushbū se hai raushan

ab is lamhe ko pāband-e-salāsil chāhtā huuñ maiñ

wo ek lamha jo tere qurb ki KHushbu se hai raushan

ab is lamhe ko paband-e-salasil chahta hun main

vo mere raaz mujh meñ chāhtā hai munkashif karnā

mujhe mere ghane saa.e meñ tanhā chhoḌ jaatā hai

wo mere raaz mujh mein chahta hai munkashif karna

mujhe mere ghane sae mein tanha chhoD jata hai

mire kamre kī dīvāroñ meñ aise aa.ine bhī haiñ

ki jin ke paas har shaḳhs apnā chehrā chhoḌ jaatā hai

mere kamre ki diwaron mein aise aaine bhi hain

ki jin ke pas har shaKHs apna chehra chhoD jata hai

chaar jānib chīḳhtī samtoñ kā shor

hāñpte saa.e thakan aur inhitāt

chaar jaanib chiKHti samton ka shor

hanpte sae thakan aur inhitat

mire aqab meñ hai āvāza-e-numū kī guuñj

hai dasht-e-jāñ kā safar kāmyāb apnī jagah

mere aqab mein hai aawaza-e-numu ki gunj

hai dasht-e-jaan ka safar kaamyab apni jagah

jidhar bhī jaatā hai vo shola-e-bahār-sarisht

duā.eñ detā hai amboh-e-kushtgāñ us ko

jidhar bhi jata hai wo shola-e-bahaar-sarisht

duaen deta hai amboh-e-kushtgan us ko

sab mire dil pe karam us nigah-e-nāz kā hai

be-qarārī hai mirī aur na sukūñ hai merā

sab mere dil pe karam us nigah-e-naz ka hai

be-qarari hai meri aur na sukun hai mera

chashma-e-āb-e-ravāñ hai jo sarāb-e-jāñ meñ

us kī har lahr meñ raqsāñ hai tarannum terā

chashma-e-ab-e-rawan hai jo sarab-e-jaan mein

us ki har lahr mein raqsan hai tarannum tera