ġham-e-sūd-o-ziyāñ se be-niyāzāna nikaltā hai

baḌī farzāngī se terā dīvāna nikaltā hai

gham-e-sud-o-ziyan se be-niyazana nikalta hai

baDi farzangi se tera diwana nikalta hai

har lamha māñgte haiñ duā dīd-e-yār kī

yād-e-butāñ bhī dil meñ hai yād-e-ḳhudā ke saath

har lamha mangte hain dua did-e-yar ki

yaad-e-butan bhi dil mein hai yaad-e-KHuda ke sath

in shoḳh hasīnoñ kī nirālī hai adā bhī

but ho ke samajhte haiñ ki jaise haiñ ḳhudā bhī

in shoKH hasinon ki nirali hai ada bhi

but ho ke samajhte hain ki jaise hain KHuda bhi

saaqī mai sāġhar paimāna mere bas kī baat nahīñ

sirf inhī se dil bahlānā mere bas kī baat nahīñ

saqi mai saghar paimana mere bas ki baat nahin

sirf inhi se dil bahlana mere bas ki baat nahin

zindagī maut ban ga.ī hotī jaan se ham guzar ga.e hote

itne ishrat-zada haiñ ham ki agar ġham na hotā to mar ga.e hote

zindagi maut ban gai hoti jaan se hum guzar gae hote

itne ishrat-zada hain hum ki agar gham na hota to mar gae hote