tire badan kī mahak ko gulāb se tashbīh

ki jaise koī dikhā.e charāġh sūraj ko

tere badan ki mahak ko gulab se tashbih

ki jaise koi dikhae charagh suraj ko

maiñ pur-umīd rahā ma.arka koī bhī rahā

magar ye raat ki jis kī koī sahar hī nahīñ

main pur-umid raha marka koi bhi raha

magar ye raat ki jis ki koi sahar hi nahin

hamāre muñh pe uḌātā huā vo dhuul gayā

hamīñ ne chalnā sikhāyā hamīñ ko bhuul gayā

hamare munh pe uData hua wo dhul gaya

hamin ne chalna sikhaya hamin ko bhul gaya

aap aur kuchh ġhalat kahīñ tauba

jo ye kah de gunāhgār hai vo

aap aur kuchh ghalat kahin tauba

jo ye kah de gunahgar hai wo

yaqīn mānav ki urdu jo bol saktā hai

vo pattharoñ kā jigar bhī TaTol saktā hai

yaqin manaw ki urdu jo bol sakta hai

wo pattharon ka jigar bhi TaTol sakta hai

haqīqat se haiñ kosoñ duur afsānoñ ko kyā dekheñ

hoñ jin ke haath naqlī un ke dastānoñ ko kyā dekheñ

haqiqat se hain koson dur afsanon ko kya dekhen

hon jin ke hath naqli un ke dastanon ko kya dekhen

asar duāoñ meñ hotā hai kis qadar 'mārūf'

balā.eñ dekhī haiñ ham ne saroñ se Talte hue

asar duaon mein hota hai kis qadar 'maruf'

balaen dekhi hain hum ne saron se Talte hue

nisār karne lage apnī jaan parvāne

na jaane sham.a ne kyā keh diyā pighalte hue

nisar karne lage apni jaan parwane

na jaane shama ne kya keh diya pighalte hue

vaqt jab aaya to sab da.ave zabānī nikle

yaar samjhe the jinheñ dushman-e-jānī nikle

waqt jab aaya to sab dawe zabani nikle

yar samjhe the jinhen dushman-e-jaani nikle