abas mal mal ke dhotā hai tū apne dast-e-nāzuk ko

nahīñ jaane kī surḳhī haath se ḳhūn-e-shahīdāñ kī

abas mal mal ke dhota hai tu apne dast-e-nazuk ko

nahin jaane ki surKHi hath se KHun-e-shahidan ki

havās-o-hosh ko chhoḌ aap dil gayā us paas

jab ahl-e-fauj hī mil jaa.eñ kyā sipāh kare

hawas-o-hosh ko chhoD aap dil gaya us pas

jab ahl-e-fauj hi mil jaen kya sipah kare

jaatā hai chalā qāfila-e-ashk shab o roz

ma.alūm nahīñ us kā irāda hai kahāñ kā

jata hai chala qafila-e-ashk shab o roz

malum nahin us ka irada hai kahan ka

nashshe meñ jī chāhtā hai bosa-bāzī kījiye

itnī ruḳhsat dījiye banda-navāzī kījiye

nashshe mein ji chahta hai bosa-bazi kijiye

itni ruKHsat dijiye banda-nawazi kijiye

sharāb o sāqī-e-mah-rū jo saath hoñ 'bedār'

to ḳhush-numā hai shab-e-māhtāb meñ dariyā

sharab o saqi-e-mah-ru jo sath hon 'bedar'

to KHush-numa hai shab-e-mahtab mein dariya