āḳhir gil apnī sarf-e-dar-e-mai-kada huī

pahuñche vahāñ hī ḳhaak jahāñ kā ḳhamīr ho

aaKHir gil apni sarf-e-dar-e-mai-kada hui

pahunche wahan hi KHak jahan ka KHamir ho

tire ishq se jab se paale paḌe haiñ

hameñ apne jiine ke laale paḌe haiñ

tere ishq se jab se pale paDe hain

hamein apne jine ke lale paDe hain

mujh dil meñ hai jo but kī parastish kī aarzū

dekhī nahīñ vo aaj talak barhaman ke biich

mujh dil mein hai jo but ki parastish ki aarzu

dekhi nahin wo aaj talak barhaman ke bich

kī dil ne dil-barān-e-jahāñ kī bahut talāsh

kui dil-rubā milā hai na dil-ḳhvāh kyā kare

ki dil ne dil-baran-e-jahan ki bahut talash

kui dil-ruba mila hai na dil-KHwah kya kare

kaheñ so kis se 'jahāñdār' us kī nazroñ meñ

raqīb kaam ke Thahre aur ham haiñ nā-kāre

kahen so kis se 'jahandar' us ki nazron mein

raqib kaam ke Thahre aur hum hain na-kare

basān-e-naqsh-e-qadam tere dar se ahl-e-vafā

uThāte sar nahīñ hargiz tabāh ke maare

basan-e-naqsh-e-qadam tere dar se ahl-e-wafa

uThate sar nahin hargiz tabah ke mare

sar-rishta kufr-o-dīñ kā haqīqat meñ ek hai

jo tār-e-sub.ha hai so hai zunnār dekhnā

sar-rishta kufr-o-din ka haqiqat mein ek hai

jo tar-e-subha hai so hai zunnar dekhna

mirā ḳhūn-e-dil yuuñ bahā dasht meñ

ki jañgal meñ lohū ke thāle paḌe

mera KHun-e-dil yun baha dasht mein

ki jangal mein lohu ke thaale paDe