mire haath meñ tire naam kī vo lakīr miTtī chalī ga.ī

mire chāra-gar mire dard kī hī vazāhatoñ meñ lage rahe

mere hath mein tere nam ki wo lakir miTti chali gai

mere chaara-gar mere dard ki hi wazahaton mein lage rahe

kabhī na TūTne vaalā hisār ban jā.ūñ

vo merī zaat meñ rahne kā faisla to kare

kabhi na TuTne wala hisar ban jaun

wo meri zat mein rahne ka faisla to kare

dil ko aaj tasallī maiñ ne de Daalī

vo sachchā thā us ke vaade jhūTe the

dil ko aaj tasalli main ne de Dali

wo sachcha tha us ke wade jhuTe the

badan ko jaañ se judā ho ke zinda rahnā hai

ye faisla hai fanā ho ke zinda rahnā hai

badan ko jaan se juda ho ke zinda rahna hai

ye faisla hai fana ho ke zinda rahna hai

dukh-bharā shahr kā manzar kabhī tabdīl bhī ho

dard ko had se guzarte koī kab tak dekhe

dukh-bhara shahr ka manzar kabhi tabdil bhi ho

dard ko had se guzarte koi kab tak dekhe