maiñ be-hunar thā magar sohbat-e-hunar meñ rahā

shu.ūr baḳhshā hama-rañg mahfiloñ ne mujhe

main be-hunar tha magar sohbat-e-hunar mein raha

shuur baKHsha hama-rang mahfilon ne mujhe

haañ ye ḳhatā huī thī ki ham uTh ke chal diye

tum ne bhī to palaT ke pukārā nahīñ hameñ

han ye KHata hui thi ki hum uTh ke chal diye

tum ne bhi to palaT ke pukara nahin hamein

dekhā use to aañkh se aañsū nikal paḌe

dariyā agarche ḳhushk thā paanī tahoñ meñ thā

dekha use to aankh se aansu nikal paDe

dariya agarche KHushk tha pani tahon mein tha

raat sunsān hai galī ḳhāmosh

phir rahā hai ik ajnabī ḳhāmosh

raat sunsan hai gali KHamosh

phir raha hai ek ajnabi KHamosh

vo bhī kyā din the ki jab ishq kiyā karte the

ham jise chāhte the chuum liyā karte the

wo bhi kya din the ki jab ishq kiya karte the

hum jise chahte the chum liya karte the

koī sannāTā sā sannāTā hai

kaash tūfān uThā de koī

koi sannaTa sa sannaTa hai

kash tufan uTha de koi

vo yuuñ milā hai ki jaise kabhī milā hī na thā

hamārī zaat pe jis kī ināyateñ thiiñ bahut

wo yun mila hai ki jaise kabhi mila hi na tha

hamari zat pe jis ki inayaten thin bahut