yaqīnan rahbar-e-manzil kahīñ par rāstā bhūlā

vagarna qāfile ke qāfile gum ho nahīñ sakte

yaqinan rahbar-e-manzil kahin par rasta bhula

wagarna qafile ke qafile gum ho nahin sakte

aa dost saath aa dar-e-māzī se maañg laa.eñ

vo apnī zindagī ki javāñ bhī hasīñ bhī thī

aa dost sath aa dar-e-mazi se mang laen

wo apni zindagi ki jawan bhi hasin bhi thi

kitne pur-haul añdheroñ se guzar kar ai dost

ham tire husn kī raḳhshanda sahar tak pahuñche

kitne pur-haul andheron se guzar kar ai dost

hum tere husn ki raKHshanda sahar tak pahunche

sub.h bichhaḌ kar shaam kā va.ada shaam kā honā sahal nahīñ

un kī tamannā phir kar lenā sub.h ko pahle shaam karo

subh bichhaD kar sham ka wada sham ka hona sahal nahin

un ki tamanna phir kar lena subh ko pahle sham karo

ye bhī huā ki dar na tirā kar sake talāsh

ye bhī huā ki ham tire dar se guzar ga.e

ye bhi hua ki dar na tera kar sake talash

ye bhi hua ki hum tere dar se guzar gae

dil meñ kyā kyā gumāñ guzarte haiñ

muskurāo na baat se pahle

dil mein kya kya guman guzarte hain

muskurao na baat se pahle

barsoñ se tirā zikr tirā naam nahīñ hai

lekin ye haqīqat hai ki ārām nahīñ hai

barson se tera zikr tera nam nahin hai

lekin ye haqiqat hai ki aaram nahin hai

mausam-e-gul hai bādal chhā.e khanak rahe haiñ paimāne

kaisī tauba, tauba tauba, tauba nazr-e-jām karo

mausam-e-gul hai baadal chhae khanak rahe hain paimane

kaisi tauba, tauba tauba, tauba nazr-e-jam karo

afsos kisī se miT na sakī insān ke dil kī tishna-labī

shabnam hai ki royā kartī hai bādal haiñ ki barsā karte haiñ

afsos kisi se miT na saki insan ke dil ki tishna-labi

shabnam hai ki roya karti hai baadal hain ki barsa karte hain

shauq kitne fareb detā hai

muskurā kar hamārā naam na le

shauq kitne fareb deta hai

muskura kar hamara nam na le

ye dil vāloñ se pūchho is ko dil vaale samajhte haiñ

bigāḌ aa.ī havā zulfeñ kisī kī yā sañvār aa.ī

ye dil walon se puchho is ko dil wale samajhte hain

bigaD aai hawa zulfen kisi ki ya sanwar aai

kuchh husn ke fasāne tartīb de rahā huuñ

daftar ulaT rahā huuñ har phuul har kalī kā

kuchh husn ke fasane tartib de raha hun

daftar ulaT raha hun har phul har kali ka

vo din guzre ki jab ye zindagānī ik kahānī thī

mujhe ab har kahānī zindagī ma.alūm hotī hai

wo din guzre ki jab ye zindagani ek kahani thi

mujhe ab har kahani zindagi malum hoti hai

nāhīd o qamar ne rātoñ ke ahvāl ko raushan kar to diyā

vo diip kisī se jal na sake jo dil meñ ujālā karte haiñ

nahid o qamar ne raaton ke ahwal ko raushan kar to diya

wo dip kisi se jal na sake jo dil mein ujala karte hain

qafas bhī hai yahāñ sayyād bhī gulchīñ bhī kāñTe bhī

chaman ko ham samajhte haiñ magar apnā chaman ab tak

qafas bhi hai yahan sayyaad bhi gulchin bhi kanTe bhi

chaman ko hum samajhte hain magar apna chaman ab tak

ab bhī jo log sar-e-dār nazar aate haiñ

kuchh vahī mahram-e-asrār nazar aate haiñ

ab bhi jo log sar-e-dar nazar aate hain

kuchh wahi mahram-e-asrar nazar aate hain

tū ne vo soz diyā hai ki ilāhī tauba

zindagī aag ke sho.aloñ meñ basar hotī hai

tu ne wo soz diya hai ki ilahi tauba

zindagi aag ke shoalon mein basar hoti hai

chhupe to kaise chhupe chaman meñ mirā tirā rabt-e-vālihāna

kalī kalī husn kī kahānī nazar nazar ishq kā fasāna

chhupe to kaise chhupe chaman mein mera tera rabt-e-walihana

kali kali husn ki kahani nazar nazar ishq ka fasana

sun ai koh-o-daman ko sabz ḳhil.at baḳhshne vaale

nahīñ miltā tire dar se ġharīboñ ko kafan ab tak

sun ai koh-o-daman ko sabz KHilat baKHshne wale

nahin milta tere dar se gharibon ko kafan ab tak

ai aql saath rah ki paḌegā tujhī se kaam

rāh-e-talab kī manzil-e-āḳhir junūñ nahīñ

ai aql sath rah ki paDega tujhi se kaam

rah-e-talab ki manzil-e-aKHir junun nahin

kalī kī ḳhū hai bahar-hāl muskurāne kī

vagarna raas kise hai huā zamāne kī

kali ki KHu hai bahar-haal muskurane ki

wagarna ras kise hai hua zamane ki

kal jo zikr-e-jām-o-mīnā aa gayā

merī tauba ko pasīnā aa gayā

kal jo zikr-e-jam-o-mina aa gaya

meri tauba ko pasina aa gaya

mauj-e-taḳhayyul gul kā tabassum partav-e-shabnam bijlī kā saaya

dhokā hai dhokā nām-e-javānī is ko javānī koī na samjhe

mauj-e-taKHayyul gul ka tabassum partaw-e-shabnam bijli ka saya

dhoka hai dhoka nam-e-jawani is ko jawani koi na samjhe

basar kare jo mujāhidāna hayāt use dā.imī milegī

na bhiik meñ zindagī milī hai na bhiik meñ zindagī milegī

basar kare jo mujahidana hayat use daimi milegi

na bhik mein zindagi mili hai na bhik mein zindagi milegi

nigāhoñ se nā-āshnā chand jalve

pas-e-lāla-o-yāsman aur bhī haiñ

nigahon se na-ashna chand jalwe

pas-e-lala-o-yasman aur bhi hain

bahār ho ki mauj-e-mai ki tab.a kī ravāniyāñ

jidhar se vo guzar ga.e ubal paḌīñ javāniyāñ

bahaar ho ki mauj-e-mai ki taba ki rawaniyan

jidhar se wo guzar gae ubal paDin jawaniyan