mirī anā ne sabaq de ke ḳhud-parastī kā

chhuḌā diyā hai zamāne kī bandagī se mujhe

meri ana ne sabaq de ke KHud-parasti ka

chhuDa diya hai zamane ki bandagi se mujhe

rah-e-hayāt meñ kāñToñ ne mehrbāñ ho kar

bachā liyā hai azāb-e-shaguftagī se mujhe

rah-e-hayat mein kanTon ne mehrban ho kar

bacha liya hai azab-e-shaguftagi se mujhe

sabhoñ se miltā huuñ begāna-e-talab ho kar

na dostī se ġharaz hai na dushmanī se mujhe

sabhon se milta hun begana-e-talab ho kar

na dosti se gharaz hai na dushmani se mujhe

hai samundar sāmne pyāse bhī haiñ paanī bhī hai

tishnagī kaise bujhā.eñ ye pareshānī bhī hai

hai samundar samne pyase bhi hain pani bhi hai

tishnagi kaise bujhaen ye pareshani bhi hai