dil meñ koī ḳhushī nahīñ lekin

ādatan muskurā rahā huuñ maiñ

dil mein koi KHushi nahin lekin

aadatan muskura raha hun main

ġham-e-hayāt se itnī bhī hai kahāñ fursat

ki terī yaad meñ jī bhar ke ro liyā jaa.e

gham-e-hayat se itni bhi hai kahan fursat

ki teri yaad mein ji bhar ke ro liya jae

tū mirī baat kā javāb na de

maiñ samajhtā huuñ ḳhāmushī kī zabāñ

tu meri baat ka jawab na de

main samajhta hun KHamushi ki zaban

mujhe bhī yuuñ to baḌī aarzū hai jiine kī

magar savāl ye hai kis tarah jiyā jaa.e

mujhe bhi yun to baDi aarzu hai jine ki

magar sawal ye hai kis tarah jiya jae

umr bhar tujh ko dekhne par bhī

zauq-e-nazzāra kam nahīñ hotā

umr bhar tujh ko dekhne par bhi

zauq-e-nazzara kam nahin hota