barbād gulistāñ karne ko bas ek hī ullū kaafī thā

har shāḳh pe ullū baiThā hai anjām-e-gulistāñ kyā hogā

barbaad gulistan karne ko bas ek hi ullu kafi tha

har shaKH pe ullu baiTha hai anjam-e-gulistan kya hoga

har mulk is ke aage jhuktā hai ehtirāman

har mulk kā hai father hindostāñ hamārā

har mulk is ke aage jhukta hai ehtiraman

har mulk ka hai father hindostan hamara

baḌe hausle the pahle baḌe valvale the pahle

jo amal kā vaqt aayā hue aap nau-do-gyārā

baDe hausle the pahle baDe walwale the pahle

jo amal ka waqt aaya hue aap nau-do-gyara

abhī to hazrat-e-vā.iz mazammat mai kī karte haiñ

agar mai-ḳhāne meñ un kā guzar hogā to kyā hogā

abhi to hazrat-e-waiz mazammat mai ki karte hain

agar mai-KHane mein un ka guzar hoga to kya hoga

bhalā 'shauq' dekhūñ kyūñkar ruḳh-e-pur-shikan kā manzar

mire daañt hī kahāñ haiñ jo maiñ khā sakūñ chhuārā

bhala 'shauq' dekhun kyunkar ruKH-e-pur-shikan ka manzar

mere dant hi kahan hain jo main kha sakun chhuara

hamāre rahbarān-e-qaum-o-millat 'shauq' kyā kam haiñ

vatan meñ gar na koī barber hogā to kyā hogā

hamare rahbaran-e-qaum-o-millat 'shauq' kya kam hain

watan mein gar na koi barber hoga to kya hoga