aap jaate to haiñ us bazm meñ 'shiblī' lekin

hāl-e-dil dekhiye iz.hār na hone paa.e

aap jate to hain us bazm mein 'shibli' lekin

haal-e-dil dekhiye izhaar na hone pae

maiñ rūh-e-ālam-e-imkāñ meñ sharh-e-azmat-e-yazdāñ

azal hai merī bedārī abad ḳhvāb-e-girāñ merā

main ruh-e-alam-e-imkan mein sharh-e-azmat-e-yazdan

azal hai meri bedari abad KHwab-e-giran mera

ajab kyā hai jo nau-ḳhezoñ ne sab se pahle jāneñ diiñ

ki ye bachche haiñ in ko jald so jaane kī aadat hai

ajab kya hai jo nau-KHezon ne sab se pahle jaanen din

ki ye bachche hain in ko jald so jaane ki aadat hai

jam.a kar lījiye ġhairoñ ko magar ḳhūbī-e-bazm

bas vahīñ tak hai ki bāzār na hone paa.e

jama kar lijiye ghairon ko magar KHubi-e-bazm

bas wahin tak hai ki bazar na hone pae

farāz-e-dār pe bhī maiñ ne tere giit gaa.e haiñ

batā ai zindagī tū legī kab tak imtihāñ merā

faraaz-e-dar pe bhi main ne tere git gae hain

bata ai zindagi tu legi kab tak imtihan mera

tasḳhīr-e-chaman par nāzāñ haiñ taz.īn-e-chaman to kar na sake

tasnīf fasāna karte haiñ kyuuñ aap mujhe bahlāne ko

tasKHir-e-chaman par nazan hain tazin-e-chaman to kar na sake

tasnif fasana karte hain kyun aap mujhe bahlane ko

ye nazm-e-ā.īñ ye tarz-e-bandish suḳhanvarī hai fusūñ-garī hai

ki reḳhta meñ bhī tere 'shiblī' maza hai tarz-e-'alī-hazīñ' kā

ye nazm-e-ain ye tarz-e-bandish suKHanwari hai fusun-gari hai

ki reKHta mein bhi tere 'shibli' maza hai tarz-e-'ali-hazin' ka