faqat tum hī nahīñ nārāz mujh se jān-e-jānāñ

mire andar kā insāñ tak ḳhafā hai intihā hai

faqat tum hi nahin naraaz mujh se jaan-e-jaanan

mere andar ka insan tak KHafa hai intiha hai

mujhe vo chhoḌ kar jab se gayā hai intihā hai

rag-o-pai meñ fazā-e-karbalā hai intihā hai

mujhe wo chhoD kar jab se gaya hai intiha hai

rag-o-pai mein faza-e-karbala hai intiha hai

rañg kyā ajab diyā merī bevafā.ī ko

us ne yuuñ kiyā ki mere ḳhat jalā.e uud meñ

rang kya ajab diya meri bewafai ko

us ne yun kiya ki mere KHat jalae ud mein

nahīñ hai rahnā use bhī bahār meñ 'tāhir'

mujhe bhī mausam-e-shādāb se nikalnā hai

nahin hai rahna use bhi bahaar mein 'tahir'

mujhe bhi mausam-e-shadab se nikalna hai

use bhī parda-e-tahzīb ko girānā hai

mujhe bhī paikar-e-nāyāb se nikalnā hai

use bhi parda-e-tahzib ko girana hai

mujhe bhi paikar-e-nayab se nikalna hai

āñkhoñ meñ hai kaisā paanī band hai kyuuñ āvāz

apne dil se pūchho jānāñ merī chup kā raaz

aankhon mein hai kaisa pani band hai kyun aawaz

apne dil se puchho jaanan meri chup ka raaz

har ek rasta-e-pāyāb se nikalnā hai

sarāb-e-umr ke har baab se nikalnā hai

har ek rasta-e-payab se nikalna hai

sarab-e-umr ke har bab se nikalna hai