سفر ہی بس کار زندگی ہے

عذاب کیا ہے ثواب کیا ہے

وہ ایک لمحہ جسے تم نے مختصر جانا

ہم ایسے لمحے میں اک داستاں بناتے ہیں

یہ شہر اپنی اسی ہاو ہو سے زندہ ہے

تمہاری اور مری گفتگو سے زندہ ہے

انکار بھی کرنے کا بہانہ نہیں ملتا

اقرار بھی کرنے کا مزا دیکھ رہے ہیں

خدا وجود میں ہے آدمی کے ہونے سے

اور آدمی کا تسلسل خدا سے قائم ہے

اسے کہاں ہمیں قیدی بنا کے رکھنا تھا

ہمیں کو شوق نہیں تھا کبھی رہائی کا

خرد نہیں ہے یہاں بس جنون کا سودا

ہم اس جنون سے آگے مکاں بناتے ہیں

اس طرح تجھے عشق کیا ہے کہ یہ دنیا

ہم کو ہی کہیں عشق کا حاصل نہ بنا دے

کس کی آنکھوں کا نشہ ہے کہ مرے ہونٹوں کو

اس قدر تر نہیں کر سکتی بلا نوشی بھی

اکثر مرے شعروں کی ثنا کرتے رہے ہیں

وہ لوگ جو غالب کے طرفدار نہیں ہیں

تو کیوں اس بار اس نے میرے آگے سر جھکایا ہے

اسے تو آج بھی مشکل نہ تھا انکار کر دینا

یہ تیرا دوانہ رات گئے معلوم نہیں کیوں پہروں تک

آنسو کی لکیروں سے کتنے نقش جذبات بنائے ہے

بہت مشکل تھا مجھ کو راہ کا ہموار کر دینا

تو میں نے طے کیا اس دشت کو دیوار کر دینا