musāfiroñ se mohabbat kī baat kar lekin

musāfiroñ kī mohabbat kā e'tibār na kar

musafiron se mohabbat ki baat kar lekin

musafiron ki mohabbat ka e'tibar na kar

bāhar bāhar sannāTā hai andar andar shor bahut

dil kī ghanī bastī meñ yaaro aan base haiñ chor bahut

bahar bahar sannaTa hai andar andar shor bahut

dil ki ghani basti mein yaro aan base hain chor bahut

chale jo dhuup meñ manzil thī un kī

hameñ to khā gayā saaya shajar kā

chale jo dhup mein manzil thi un ki

hamein to kha gaya saya shajar ka

burā sahī maiñ pa nīyat burī nahīñ merī

mire gunāh bhī kār-e-savāb meñ likhnā

bura sahi main pa niyat buri nahin meri

mere gunah bhi kar-e-sawab mein likhna

chhup kar na rah sakegā vo ham se ki us ko ham

pahchān leñge us kī kisī ik adā se bhī

chhup kar na rah sakega wo hum se ki us ko hum

pahchan lenge us ki kisi ek ada se bhi