کیسے ہوں خواب آنکھ میں کیسا خیال دل میں ہو

خود ہی ہر ایک بات کا کرنا تھا فیصلہ مجھے

جاتی تھی کوئی راہ اکیلی کسی جانب

تنہا تھا سفر میں کوئی سایا اسے کہنا

مجھ کو اتار حرف میں جان غزل بنا مجھے

میری ہی بات مجھ سے کر میرا کہا سنا مجھے

ہمیں بھی تجربہ ہے بے گھری کا چھت نہ ہونے کا

درندے، بجلیاں، کالی گھٹائیں شور کرتی ہیں

یہ کمرہ اور یہ گرد و غبار اس کا ہے

وہ جس نے آنا نہیں انتظار اس کا ہے

کس کی آنکھوں کو نیند چبھتی ہے

کون جاگا رہا ہے عمر کے ساتھ

کسی خسارے کے سودے میں ہاتھ آیا تھا

سو ایک قیمتی شے میں شمار اس کا ہے

ابھی سے اچھا ہوا رات سو گئی ورنہ

کبھی تو ختم سفر رت جگے کا ہونا تھا

کیسا چہرہ ہے رات کی تفصیل

کون جل کر بجھا ہے عمر کے ساتھ

جو چلا گیا سو چلا گیا جو ہے پاس اس کا خیال رکھ

جو لٹا دیا اسے بھول جا جو بچا ہے اس کو سنبھال رکھ

ایک سایہ سا پھڑپھڑاتا ہے

کوئی شے روشنی سے گزری ہے

آتے رہتے ہیں فلک سے بھی اشارے کچھ نہ کچھ

بات کر لیتے ہیں ہم سے چاند تارے کچھ نہ کچھ

ہمیں سیراب رکھا ہے خدا کا شکر ہے اس نے

جہاں بنجر زمینیں ہوں انائیں شور کرتی ہیں

خود اپنا ساتھ بھی چبھنے لگا تھا

عجب تنہائی کی عادت ہوئی تھی

میں گھر سے جاؤں تو تالا لگا کے جاتی ہوں

کچھ اس کی شہرتیں کچھ اعتبار اس کا ہے