hameñ bhī tajraba hai be-gharī kā chhat na hone kā

darinde, bijliyāñ, kaalī ghaTā.eñ shor kartī haiñ

hamein bhi tajraba hai be-ghari ka chhat na hone ka

darinde, bijliyan, kali ghaTaen shor karti hain

jo chalā gayā so chalā gayā jo hai paas us kā ḳhayāl rakh

jo luTā diyā use bhuul jā jo bachā hai us ko sambhāl rakh

jo chala gaya so chala gaya jo hai pas us ka KHayal rakh

jo luTa diya use bhul ja jo bacha hai us ko sambhaal rakh

aate rahte haiñ falak se bhī ishāre kuchh na kuchh

baat kar lete haiñ ham se chāñd taare kuchh na kuchh

aate rahte hain falak se bhi ishaare kuchh na kuchh

baat kar lete hain hum se chand tare kuchh na kuchh

ye kamra aur ye gard-o-ġhubār us kā hai

vo jis ne aanā nahīñ intizār us kā hai

ye kamra aur ye gard-o-ghubar us ka hai

wo jis ne aana nahin intizar us ka hai

ḳhud apnā saath bhī chubhne lagā thā

ajab tanhā.ī kī aadat huī thī

KHud apna sath bhi chubhne laga tha

ajab tanhai ki aadat hui thi

kis kī āñkhoñ ko niiñd chubhtī hai

kaun jaagā rahā hai umr ke saath

kis ki aankhon ko nind chubhti hai

kaun jaga raha hai umr ke sath

mujh ko utaar harf meñ jān-e-ġhazal banā mujhe

merī hī baat mujh se kar merā kahā sunā mujhe

mujh ko utar harf mein jaan-e-ghazal bana mujhe

meri hi baat mujh se kar mera kaha suna mujhe

kaisā chehra hai raat kī tafsīl

kaun jal kar bujhā hai umr ke saath

kaisa chehra hai raat ki tafsil

kaun jal kar bujha hai umr ke sath

hameñ sairāb rakkhā hai ḳhudā kā shukr hai us ne

jahāñ banjar zamīneñ hoñ anā.eñ shor kartī haiñ

hamein sairab rakkha hai KHuda ka shukr hai us ne

jahan banjar zaminen hon anaen shor karti hain

jaatī thī koī raah akelī kisī jānib

tanhā thā safar meñ koī saayā use kahnā

jati thi koi rah akeli kisi jaanib

tanha tha safar mein koi saya use kahna

kisī ḳhasāre ke saude meñ haath aayā thā

so ek qīmtī shai meñ shumār us kā hai

kisi KHasare ke saude mein hath aaya tha

so ek qimti shai mein shumar us ka hai

abhī se achchhā huā raat so ga.ī varna

kabhī to ḳhatm-e-safar ratjage kā honā thā

abhi se achchha hua raat so gai warna

kabhi to KHatm-e-safar ratjage ka hona tha

kaise hoñ ḳhvāb aañkh meñ kaisā ḳhayāl dil meñ ho

ḳhud hī har ek baat kā karnā thā faisla mujhe

kaise hon KHwab aankh mein kaisa KHayal dil mein ho

KHud hi har ek baat ka karna tha faisla mujhe

ek saaya sā phaḌphaḌātā hai

koī shai raushnī se guzrī hai

ek saya sa phaDphaData hai

koi shai raushni se guzri hai

maiñ ghar se jā.ūñ to taalā lagā ke jaatī huuñ

kuchh us kī shohrateñ kuchh e'tibār us kā hai

main ghar se jaun to tala laga ke jati hun

kuchh us ki shohraten kuchh e'tibar us ka hai